Lionel Scaloni ka krahasuar Lionel Messin dhe Roger Federer.

Një nga lojtarët më të mirë në histori të tenisit – për shumë kë më i miri – Roger Federer ka njoftuar pensionimin e tij ditë më parë.

Duke qenë në qendër të vëmendjes këto ditë, Federer është përmendur edhe nga trajneri i Argjentinës, Lionel Scaloni.

Ky i fundit e ka krahasuar Federer me lojtarin më të mirë në botë, Lionel Messi, duke thënë se të gjithë e shijojnë ta shohin atë.

“Çfarë ndodhi kur Federer u pensionua? Të gjithë u emocionuan dhe të gjithë mendonin ‘ai s’është këtu më, ai s’do të luajë më’. Sa prej nesh do të donin ta shihni Federer duke luajtur tenis?”, ka pyetur Scaloni gazetarët, përcjell lajmi.net.

“Ishte mrekulli ta shihje atë duke luajtur. E njëjta gjë do të ndodh me Messi”, shtoi trajneri.

Federer, tashmë 41 vjeçar, është më i vjetër sesa Messi (35), por të dy kanë ndarë dominimin e tyre në sportet respektive për më shumë sesa një dekadë. /Lajmi.net/