Numërimi i votave me kusht, me postë dhe i personave me nevoja të veçanta për komunën e Istogut pritet të përfundojë sot.

Anëtari i LDK-së në KQZ, Sami Hamiti, ka thënë për Gazetën Express se janë 510 vota me kusht, votat përmes postës dhe votat e personave me nevoja të veçanta.

Hamiti thotë se kandidati i LDK-së, Haki Rugova, është në epërsi me 75 vota ndaj kandidatit të AAK-së, Gani Dreshaj, ndërsa ky rezultat, siç tregon ai, do të publikohet sot nga KQZ-ja. Mbrëmë KQZ-ja ka publikuar një rezultat tjetër që e nxirrte Dreshajn para Rugovës me 52 vota. Por, më pas u njoftua se votat ishin administruar gabimisht dhe se kandidati i LDK-së ka epërsi.

Në Komunën e Istogut dje është votuar për të tretën herë me radhë për zgjedhjen e kryetarit të ri. /Express/