Kohëzgjatja: 1 ore e 40 min.

Përbërësit:

300 gr mish i kuq

200 gr spinaq

2 vezë

150 gr djath (kaqkavall)

½ e qepës

50 gr margarin

Kripë, piper, origano

Përgaditja

Mishi i kuq duhet të jetë në formë të fileve dhe shumë i hollë për nga trashësia.

Rrihet me çekan të kuzhinës mish i kuq dhe kriposet pak me kripë dhe piper.

Spinaqi pastrohet me ujë dhe grimcohet shumë imët.

½ e qepës coptohet dhe vendoset në një enë me 50 gr margarinë.

Fërgohet qepa mirë dhe në të vendoset spinaqi i grimcuar, në këtë masë shtojmë edhe një gotë të vogël me ujë dhe 2 vezë në mënyrë që të zbutet spinaqi dhe të krijohet një masë e njëtrajtshme.

Pasi që të kavërdiset spinaqi në mishin e petëzuar hedhim mbi të masën nga spinaqi në formë të shtrirë.

Mbi të hedhim djathin e prerë  nëpër të gjithë pjësen e mishit dhe spinaqit…

Veprojmë kështu derisa ta përfundojmë të gjithë masën.

Mishi bashkë me spinaqin rrotullohet në fomë të rolesë dhe vendoset në një enë të rrafshët me 1 gotë ujë dhe e gjithe kjo vendoset në furrë.

Nëse mishi nuk qëndron në formë të rolesë lidheni me penjë të kuzhinës.

Në furrë ushqimi qëndron për 30 -40 min në tem 200 gradë.

Assesi mos e shtoni temperaturën pasi që mund ta thani mishin sepse është i hollë.

Kur nxirret nga furra prejeni në pjesë të holla dhe servireni në pjatë.

Ju bëftë mirë!