Top Fest 11 këtë vit ka mbledhur plot yje të estradës sonë dhe konkurrenca që prej tash është e madhe. Këngët patjetër që do jenë të bukura, e në disa prej tyre ka vënë dorë edhe Rozana Radi.

Rozana njihet si një prej tekst-shkrueseve më të mira dhe më të kërkuara nga artistët dhe kolegët e saj. Ajo këtë vit nuk merr pjesë në Top Fest, por nuk është se do të mungojë prezenca e saj.

Rozi ka lajmëruar se në ditët në vazhdim do të transmetohen katër këngë nga artistë ‘big’ të skenës sonë, tekstet e të cilëve i ka shkruar ajo.

“Kam punuar me dashuri dhe përkushtim për realizimin e teksteve të tyre. Shijoni këto këngë sepse janë vërtetë magjepsëse.  Soni Malaj ‘Me të jeton’;  Era Rusi ‘Hajde me ne’; Endri dhe Stefi ‘Dashuria urren’;  Olta Boka & Erik Loshi ‘ Ti më ke mua’”, ka treguar Rozana për fansat e saj, duke i uruar të kolegëve shumë suksese.