Jorge Mendes insistoi se bashkëkombësi i tij, Cristiano Ronaldo, do të mbetet në Real Madrid.

Së fundmi kanë qarkulluar spekulime se Ronaldo mund të rikthehet në Old Trafford te Manchester United.

Mirëpo, Mendes ka konfirmuar se e ardhmja e Ronaldos është në Madrid.

I pyetur nëse Ronaldo do ta përfundojë karrierën në Real Madrid, Mendes dha një përgjigje që do të mirëpritet nga tifozët e klubit kampion të Evropës.

“Sigurisht. Ai nuk do të largohet nga Real Madrid”, u shpreh një prej menaxherëve më të mëdhenj në botë i cili ndër të tjerë përfaqëson edhe menaxherin e Chelseas, Jose Mourinho. 

Cristiano Ronaldo me siguri do të pensionohet në Real Madrid, ka njoftuar menaxheri i tij Jorge Mendes.

Ylli portugez është futbollisti kryesor i gjigantit spanjoll dhe ka kontratë afatgjate në Santiago Bernabeu. Dhe, sipas Mendesit ai do të qëndrojë në Madrid për pjesën e mbetur të karrierës.

“Është pothuajse e sigurt se Ronaldo do të pensionohet në Madrid”, deklaroi Mendes gjatë një interviste për të përditshmen ABC.

“Ronaldo e përkushton çdo orë të jetës së tij të bëhet më i miri në botë”, u shpreh përfaqësuesi i futbollistit më të mirë në botë për vitin 2013.

“Ai do të konsiderohet si futbollisti më i mirë në histori. Në fakt, për mua është më i miri. Nuk kam parë një futbollist si ai në jetën time. Dhe, ju them edhe diçka, futbollistët e tjerë profesionistë e ndajnë mendimin e njëjtë, ai është më i miri në botë”, përfundoi Mendes.