Roma ka regjistruar tri pikë të reja në Serie A.

Skuadra e Romës ka marrë fitore minimale me rezultatin 0:1, në udhëtim kundër Sampdorias, shkruan lajmi.net.

‘Giallorossi’ zhbllokuan sfidën herët në minutën e 9’ të takimit, me anë të Lorenzo Pellegrini.

Pellegrini u tregua i saktë nga pika e bardhë e penalltisë. Ky gol doli të kishte vlerën e tri pikëve për romakët, sepse ishte ai që vulosi fatin e takimit.

Me fitoren e regjistruar sonte, Roma shkon në kuotën e 22 pikëve.

Tani, ‘Giallorossi’ mbajnë pozitën e katërt dhe janë një pikë larg Milan, kurse mbajnë në një pikë distancën me Lazion.

Sampdoria në anën tjetër mbetet me 3 pikë në pozitën e fundit në tabelë. /Lajmi.net/