Reperi i njohur gjerman, Zuna, ka nisur një aksion humanitar për të ndihmuar familjet në nevojë në Kosovë, shkruan lajmi.net.

Ai po e merr këtë iniciativë në kohën kur e gjithë bota po përballet me krizën e krijuar nga pandemia COVID-19.

Zuna njoftoi se 600 familje në nevojë në Kosovë do të ndihmohen me gjëra ushqimore dhe 25 tonë miell.

Këtë nismë ai e mori për nderë të menaxherit të tij të ndjerë Sefa Kaya, i cili ndërroi jetë në një aksident tragjik në Prishtinë, vitin e kaluar.

Kujtojmë se Zuna ka raporte shumë të mira si dhe ka bashkëpunuar me disa artistë shqiptarë, përfshirë Loredana Zefin dhe Azetin. /Lajmi.net/