Real Madridi nuk do të ndalet me kaq, pasi do të vazhdojë me rekorde të tjera, gjithnjë sipas trajneri të San Lorenzos, Edgardo Bauza.

“Unë mendoj se ky Madrid, ka arritur një balancë që është vështirë për tu arritur në futboll. Këtë gjë ia kam thënë edhe Ancelotti kur e kam uruar për fitoren”.

“Në sulm janë tmerrësisht të frikshëm individualisht, si shumë pak skuadra në botë. Unë i kam thënë Ancelottit se kjo është një arritje e tij”, tha Bauza në konferencë për shtyp.

“Ata janë shumë të rrezikshëm dhe do të vazhdojnë të thyejnë shumë rekorde. Nuk kam dyshim për këtë gjë”, përfundoi trajneri i San Lorenzos.