Një rast i dhunës në familje është raportuar më 29 gusht 2025, rreth orës 08:30, në Graçanicë.

Sipas Policisë së Kosovës, një mashkull kosovar dyshohet se ka ushtruar dhunë psikike ndaj një femre kosovare, duke bërtitur dhe ofenduar atë, transmeton lajmi.net.

Autoritetet bëjnë të ditur se i dyshuari vuan nga probleme të shëndetit mendor dhe është në trajtim me terapi, ndërsa për shkak të gjendjes së tij, e gjithë familja po përjeton dhunë të vazhdueshme psikike.

Pas intervistimit, dhe në konsultim me prokurorin e rastit, palët janë liruar në procedurë të rregullt.

Policia po vazhdon të trajtojë rastin në bashkëpunim me organet kompetente./lajmi.net/