Kryetari i Aleancës për Ardhmërinë e Kosovës, njëherë ësh kandidat për kryeministër, Ramush Haradinaj do të marrë pjesë në inaugurimin e presidentit të sapozgjedhuer të Amerikës, Donald Trump.

Kjo është konfirmuar nga zëdhënësi i partisë, tashmë kandidat për deputet, Kushtrim Xhemaili.

Xhemaili deklaroi se Haradinaj veçse ka pranuar ftesën për të marrë pjesë në inaugurim.

“Po, ka ftesë dhe do të marrë pjesë”, deklaroi shkurt ai.

Donald Trump do të betohet si President i Shteteve të Bashkuara të Amerikës më 20 janar. Ai arriti që të fitojë zgjedhjet e përgjithshme në Amerikë, më 5 nëntor të vitit 2024.

Ky rikthim i Trump-it në presidencën amerikane pritet të sjellë ndryshime të mëdha në botë, e po ashtu edhe në Ballkan./Lajmi.net/