Ramsdale, 23 vjeç, u ka thënë miqve se ai mendon se Mikel Arteta do t’i drejtohet atij për ndeshjen e së shtunës në Norwich pasi Leno pësoi pesë gola ndaj Manchester City fundjavën e kaluar.

Ndërkohë klubi paraprak i Ramsdale, Sheffield United do të ‘fërkojë duart’ pasi në këtë rast do të përfitonin një bonus shtesë të vendosur në kontratë mes klubeve, kurdo që Ramsdale do të bëhej gardiani i parë i portës së “Gunners”.

E ardhmja e portierit gjerman Leno ka qenë nën një qendër të vëmendjes më të ashpër se zakonisht javët e fundit.

29-vjeçari mohoi se ishte duke kërkuar për një largim veror, por Inter Milan thuhet se është i interesuar ta transferojë atë falas në fund të sezonit.

“Football.london” sugjeron se ish-portieri i Bayer Leverkusen nuk është “i gatshëm” të zgjasë kontratën e tij me “Gunners” pasi i skadon kontrata në verë.

Tre humbje, asnjë gol i shënuar dhe nëntë të pësuar i lënë ata nën Norwich dhe Wolves në diferencën e golave.

Leno ka filluar çdo ndeshje me Arsenalin në Premier Ligë deri më tani këtë sezon, në të tre humbjet e deritashme.

Në anën tjetër Ramsdale debutoi në Kupën Carabao duke e mbajtur portën e paprekur në fitoren 6-0 të ekipit të tij ndaj West Brom në kuadër të raundit të dytë të Kupës. /Lajmi.net