Ramos tregon se cili nga lojtarët është njeriu më i mirë që ka takuar – e konsideron si vëlla

18:36 | 8 Dhjetor 2021

Sergio Ramos ka dhënë disa komente interesante së fundmi, në një paraqitje të tij para medieve.

Ish-kapiteni i Real Madrid është pyetur për lojtarët që ka njohur, por për anën e tyre jashtë fushave të blerta.

I pyetur se kush nga lojtarët është njeriu më i mirë që njeh, Ramos ka zgjedhur mesfushorin kroat, Luka Modric.

“Personi më i mirë që njoh në futboll… ka shumë, por mendoj se Luka Modric”, ka thënë Ramos, transmeton lajmi.net.

“Unë kam raporte të mira me të. Është vëllai im”, shtoi spanjolli.

Ramos dhe Modric ishin shokë skuadre te Real Madridi, në kohën e artë të kësaj skuadre, kur fitoheshin tri Champions League radhazi. /Lajmi.net/