Real Madrid ka refuzuar ofertën fillestare të Manchester Unitedit me vlerë prej 35 milionë funte, për mbrojtësin Sergio Ramos, ka bërë të ditur tabloidi britanik “Daily Mail”.

“Red Devils” kanë shprehur interesim për reprezentuesin spanjoll pas njoftimeve se ai është duke konsideruar mundësinë e largimit nga Santiago Bernabeu.

Ramos është i pakënaqur dhe ndihet i nënvlerësuar nga presidenti i Los Blancos, Florentino Perez. Por, oferta e parë e Unitedit është refuzuar nga Reali.

Mirëpo, klubi anglez nuk e përjashton mundësinë e paraqitjes së një oferte të përmirësuar.