Analisti politik Burim Ramadani ka reaguar me kritika të forta ndaj situatës aktuale politike në vend, pas vendimit të fundit të Gjykatës Kushtetuese që ndalon çdo veprim për formimin e Qeverisë deri më 30 shtator.

Në një postim të shkurtër e të fuqishëm, ai shprehu shqetësimin për një rrjedhë politike pa zgjidhje dhe institucione funksionale:“Vrulli joracional drejt kolapsit. Thjesht e qartë në këtë trajektore, sivjet nuk ka institucione qendrore. S’ka Qeveri në vitin 2025″, transmeton lajmi.net.

Me këtë deklaratë, Ramadani tregon reflektimin e vazhdueshëm të kaosit që kërcënon funksionalitetin shtetëror. Sipas tij, vonesat dhe bllokadat nuk përbëjnë thjesht ngadalësim, por rrezik real për stabilitetin institucional dhe jetën e përditshme të qytetarëve./lajmi.net/