Një person ka raportuar në Polici se derisa po qëndronte në pyll dikush kishte shtënë me armë zjarri drejt tij.

Viktima shpëtoi pa lëndime ndërsa dëme materiale pësoi vetura e tij, shkruan lajmi.net.

“Rahovec / 14.10.2024 – 15:20. Viktima mashkull kosovar ka njoftuar policinë se derisa ka qenë me veturën e tij në pyll, një person i dyshuar ka shtënë me armë në drejtim të tij dhe kishte qëlluar veturën. Përveç dëmeve materiale në veturë nuk ka të lënduar. Në vendin e ngjarjes nga njësitë policore janë gjetur dhe sekuestruar pesë gëzhoja të kalibrit 7.62 mm. Rasti është duke u hetuar nga njësitet policore”, thuhet në raportin 24 orësh. /Lajmi.net/