Nënkryetari i Listës Serbe, Milan Radojqiq ishte i përfshirë në sulmin terrorist në veri që vranë policin Afrim Bunjaku.

Qytetarë të ndryshëm në vend kanë dhënë mendimet e tyre për figurën e Radojqiqit dhe ecurinë e zhvillimit të aksionit të Policisë së Kosovës në veri.

Një qytetar e pati cilësimin e tij për terroristin tani më, Radojqiq.

“Radojqiqi po thojnë të gjithë që është kriminel, edhe kryekriminel, se jo veç kriminel, unë nuk e njohë as nuk e kam pa kurrë, krimineli në shtet demokratik ska vend”, tha ai.

E sa i përket aksionit të Policisë për bastisjen dhe konfiskimet që janë bërë në pronat e terroristit famëkeq serb, një qytetar i lë të drejtën policisë.

“Boll mirë kanë bo qe ja kan bastisë pronat Radojqiqit, se ktyne na gjithë sherrin ja u shohim, çfarë agrumente duhet me pasë kur të vret në shtëpinë tënde, sytë janë me pa”, theksoi një tjetër.

Ndërsa krejt një tjetër, pati diçka interesante sa i përket veriut.

“Është armatos ajo pjesë prej mas luftës, edhe gjatë luftës ka pasë aty armë”, nënvizoi ai.

Kurse tjetri tha se përmasat e terroristit dhe kriminelit që posedon Radojqiq, kalojnë në nivel “mafioz”.

“Ai nuk është kriminel vetëm këtu, por është shumë mafioz i madh”,u shpreh ai./Lajmi.net