Hoti në mbledhjen e Qeverisë së Kosovës, gjatë informimit të kabinetit qeveritar lidhur me të hyrat buxhetore, ka thënë se kjo rritje ka ardhur si rezultat i shtimit të aktiviteteve ekonomike, transmeton lajmi.net.

“Të hyrat e përgjithshme buxhetore gjatë periudhës janar-shtator kanë arritur 1 miliardë e 65 milionë euro, që është një rritje prej 7. 8 për qind krahasuar me periudhën e njëjtë të vitit paraprak, kryesisht si rezultat i aktivitetit të shtuar ekonomik në Kosovë. Të hyrat nga taksat kufitar kanë arritur në 680.3 milionë euro që është 7.3 për qind me shumë krahasuar me vitin paraprak. Kontributin me të madh në këtë e kanë dhënë të hyrat nga akciza dhe TVSH-ja. Të hyrat e arketuara në vend janë rritur për 11.1 për qind krahasuar me periudhën e njëjtë të viti paraprak dhe kanë arritur në 246.1 milionë euro që është 72.4 për qind e planit vjetor”, tha Hoti.

Hoti tha se kanë pasur një ngecje prej 14.5 për qind të të hyrave vetanake të komunave, si dhe nga dividenta e PTK-së, që është paraparë për këtë viti t’i marrin 30 milionë euro.