Këngëtarja e njohur shqiptare, Rita Ora, ka vendosur që gjatë periudhës së pandemisë të izolohet në një shtëpi në fermë, në një fshat në veri-perëndim të Londrës, shkruajnë mediat e huaja, transmeton lajmi.net.

Ajo kishte planifikuar që të qëndronte atje vetëm disa ditë mirëpo më pas Londra u fut në karantinë dhe izolimi i Ritës aty me shoqërinë e ngushtë u zgjat.

Vendimi i Rita Orës për të qëndruar në Cotswolds përpara se qeveria të impononte bllokimin e mundësisë së largimit nga fshati në shtëpinë e saj në Londër, i ka kushtuar asaj jo më pak se 30 mijë funte (33 mijë euro), siç zbulon mediumi Daily Star Online./Lajmi.net/