Me të rënë bora e parë në Kosovë, shumë prej rrugëve janë bllokuar.

E problem të ngjashëm sot kanë edhe banorët e Podujevës që iu duhet të udhëtojnë drejt Prishtinës dhe anasjelltas.

Mbi një orë e gjysmë është pritja në fshatin Lupç të Podujevës, nga të gjithë ata që morën rrugën për në kryeqytet.

Siç mëson lajmi.net problemi qëndron se rruga është bllokuar totalisht në gropat që kishin mbetur të hapura aty ku po bëheshin punimet për rrugën e cila ka mbetur e papërfunduar tash e sa kohë.

Qytetarët po vazhdojnë të presin në kolonat e gjata, të cilat sigurisht do të jenë problematike tash e tutje gjithë sezonin dimëror./Lajmi.net/