Ne priremi të mendojmë se do të ndjejmë gjithmonë të njëjtin intensitet dashurie për personin që na ka vjedhur zemrën në shikim të parë. Një mendim i tillë është mjaft naiv dhe me kalimin e kohës kuptojmë se janë ndjenjat ato që priren të ndryshojnë, transmeton lajmi.net.

Ekspertët kanë zbuluar tri arsye që ndiheni të bllokuar në një marrëdhënie që në fillim mendonit se ishte perfekte për ju.

Ju u futët në një lidhje para se të ishit gati për të

Sa herë që hyni në një lidhje të re, përpara diçkaje për të cilën jeni vërtet gati, ka shumë mundësi që të pendoheni. Diçka e tillë ndodh kur nuk e vlerësoni mirë situatën dhe nuk u besoni ndjenjave tuaja. Ndoshta keni hyrë në një lidhje të re sepse ai person ju ka mbushur me vëmendje dhe keni menduar se ishte koha për t’i dhënë asaj një shans. Ju mund ta keni pëlqyer atë si person, por thjesht nuk ishit gati për atë lloj angazhimi. Nëse është kështu, diçka e tillë mund t’ju bëjë të ndiheni të bllokuar.

E keni takuar partnerin ashtu siç është në të vërtetë

Idealisht, duhet të filloni një marrëdhënie me dikë që e njihni vërtet dhe që nuk është mister për ju. Megjithatë, realiteti është se shumë prej nesh fillojnë aventurat e dashurisë pa pasur një ide se me çfarë lloj personi jemi intim. Kjo mund të ndodhë nëse personi tjetër po ju mashtron qëllimisht, ose ju keni arritur shumë shpejt në një përfundim se si është ai ose ajo. Në çdo rast, kur ta takoni më në fund dhe nuk ju pëlqen thelbi i tij, ka shumë mundësi që të ndiheni të bllokuar.

Ju jeni në një lidhje vetëm që të mos jeni vetëm

Kjo është ndoshta një nga arsyet më të zakonshme pse dikush mund të ndihet i bllokuar në një lidhje dashurie. Nëse keni hyrë në një lidhje sepse keni menduar se është më mirë për ju të jeni me dikë sesa vetëm, ky është një gabim që mund t’ju kushtojë shtrenjtë.

Kur jeni në një lidhje me dikë, por nuk ju pëlqen shumë dhe ju pëlqen më pak fakti që jeni vetëm, kjo mund të jetë një problem i madh. Nuk është një lidhje dashurie vetëm të jesh në një lidhje, por sepse ne jemi të dashuruar me personin me gjithë zemër dhe kjo është diçka që nuk mund ta detyrosh veten ta bësh. /Lajmi.net/