PSD dërgon në Prokurori Speciale letrën e Maqedoncit për komandantin e KFOR-it ku zotohej që FSK nuk shkon në veri pa koordinim me ta
Partia Socialdemokrate ka dorëzuar në Prokurori Speciale letrën e ministrit të Mbrojtjes, Ejup Maqedoncit drejtuar komandantit të KFOR-it. Në atë letër, Maqedonci zotohej se FSK nuk do të shkoj në veri pa u koordinuar me KFOR-in, shkruan lajmi.net. Kryetari i PSD-së, Dardan Molliqaj përmes një postimi në Facebook ka përmendur vitin 2020, kur Kurti këtë…
Lajme
Partia Socialdemokrate ka dorëzuar në Prokurori Speciale letrën e ministrit të Mbrojtjes, Ejup Maqedoncit drejtuar komandantit të KFOR-it.
Në atë letër, Maqedonci zotohej se FSK nuk do të shkoj në veri pa u koordinuar me KFOR-in, shkruan lajmi.net.
Kryetari i PSD-së, Dardan Molliqaj përmes një postimi në Facebook ka përmendur vitin 2020, kur Kurti këtë veprim e kishtë denoncuar si të pafalshëm, të papranueshëm e kundërkushtetues.
Anëtari nga kjo parti, Zgjim Hyseni derisa ka akuzuar kryeministrin e tanishëm, Albin Kurit për rizotimin e mos dërgimit të FSK-së në veri, ka thënë se letra e dërguar, e riafrimon marrëveshjen e vitit 2013, të cilën Kurti e kishte quajtur si diçka të papranueshme, marrëveshje sekrete, e deri tek niveli i tradhtisë.
Para mediave ai ka kujtuar Kurtit se në vitin 2020 e kishte quajtur si diçka të papranueshme, e kishte quajtur marrëveshje sekrete, cenim të sovranitetit, deri në nivelin e tradhtisë.
“Letrën e ministrit të tij, Maqedonci, që FSK-ja nuk shkon në veri që e riafirmon marrëveshjen e vitit 2013, ku FSK-ja nuk shkon në veri. Ky zotim që FSK-ja nuk shkon në veri, Kurti në vitin 2020 e kishte quajtur si diçka të papranueshme, e kishte quajtur marrëveshje sekrete, e kishte quajtur shkelje të kushtetutës, cenim të sovranitet, deri në nivelin e tradhëtisë”, thotë ai.
Sipas Hysenit, marrëveshja që dikur ishte quajtur akt tradhtie, sot është afrimu prej të njëjtit kryeministër, përmes ministrit të tij të mbrojtjes. Sipas Hysenit, kjo nuk është thjesht hipokrizi, por duhet të parashtrohet pyetja, se prej cilës perspektivë një akt kur e bën dikush tjetër e quan tradhti, ndërsa të njëjtën gjë e bënë vetë.
“Marrëveshja që dikur ishte quajtur shkelje e Kushtetues, e akt tradhtie, sot është afirmu prej të njëjtit kryeministër, sepse gjithçka ndodhë me lejen e tij. Kjo nuk është thjeshtë hipokrizi, nuk është thjesht rren, është shumë ma keq se kaq, pyetja që duhet të parashtrohet është: prej cilës perspektivë që një aktë kur e bënë dikush tjetër e quan tradhëti, e të njëjtën gjë kur e bënë vetë, as mos me te ardh marre”, thotë Hyseni.
Hyseni thotë se në Prokurori e kanë dërguar nëse marrëveshja e vitit 2013, është shkelje kushtetutese si e ka cilësuar Kurti, “atëherë riafirmimi i saj prej Maqedonci, duhet me u cilësua si shkelje, me kriteret e vet kryeministrit”,
“Ne sot e kemi dërgu në Prokurori nëse marrëveshja e vitit 2013, qysh vetë Kurti e ka cilësuar, si shkelje të kushtetutës, për shkak se ka thënë që është traktat ndërkombëtar pa u votu në kuvend, nëse ajo ka qenë shkelje, atëherë riafirimi i saj prej Maqedonci, duhet me u cilësu si shkelje, me kriteret e vet kryeministrit”, thotë ai. /Lajmi.net/
