​Protestojnë banorët e fshatit Dumnicë të Vushtrrisë, kërkojnë rreth-rrotullim

Banorët e fshatit Dumnicë e Poshtme të Komunës së Vushtrrisë kanë protestuar të enjten në magjistralen Prishtinë-Mitrovicë. Ata për disa minuta kanë bllokuar qarkullimin e veturave në këtë magjistrale, duke kërkuar ndërtimin e një rrethrrotullimi në këtë zonë. Në disa video shihen kolona të gjata të veturave, derisa prezentë është edhe Policia e Kosovës.