Protesta të dhunshme në shumë vende të Evropës kundër masave anti-Covid

15:49 | 22 Nentor 2021

Evropa është në gjendje kaosi teksa protestat kanë filluar në shumë shtete kundër masave anti-Covid.

Protestat në vendet evropiane kundër kufizimeve të reja Covid-19, u kthyen në dhunë masive gjatë fundjavës, ndërsa rastet me Covid vazhdojnë të rriten në kontinent.

Trazirat shpërthyen në Hagë të shtunën, mbi masat e reja të qeverisë holandeze për koronavirusin.

Hollanda rihyri tre javë në bllokim të pjesshëm të shtunën e kaluar dhe tani po planifikon të ndalojë personat e pavaksinuar të hyjnë në disa vende.

Mijëra protestues morën pjesë në një marshim kryesisht paqësor në kryeqytetin e Amsterdamit. Transmetuesi publik holandez, NOS gjithashtu raportoi trazira në qytetin Urk dhe qytete në provincën jugore të Limburgut.

Protestat pasuan përleshjet e dhunshme të së premtes mbrëma në qytetin port të Roterdamit, gjatë të cilave policia u detyrua të qëllonte me armë për të shpërndarë turmën dhe 51 persona u arrestuan.

Rreth 40,000 njerëz u mblodhën në rrugët e Vjenës, në protestën më të madhe të vendit lidhur me koronavirusin deri më tani.

Austria do të rifusë një bllokim të pjesshëm mbarëkombëtar të hënën dhe do t’i bëjë të detyrueshme vaksinimet kundër koronavirusit nga shkurti i vitit të ardhshëm.

Franca dërgoi dhjetëra policë elitë dhe oficerë kundër terrorizmit në ishullin e saj të Karaibeve të Guadeloupe të shtunën pas plaçkitjeve dhe zjarrvënieve gjatë natës në kundërshtim me një shtetrrethim gjatë natës.

Rreth 15,000 njerëz protestuan të shtunën në Zagreb kundër masave të qeverisë kroate për koronavirusin. Nga e hëna, vetëm personat me pasaporta Covid mund të hyjnë në ndërtesat qeveritare dhe publike në Kroaci. /Lajmi.net/