Mjeku kujdestar në Klinikën Emergjente, Avdush Bajgora, ka bërë të ditur për KTV-në se policët kanë marrë lëndime kryesisht në këmbë, derisa lëndime më serioze ka marrë qytetari, pronar i një lokali të demoluar nga protestuesit. 

Po i njëjti është pronar i një prej restoranteve në sheshin “Ibrahim Rugova”, që u demolua në momentin e përplasjes së protestuesve me policinë. Ai thotë se është goditur me karrige në kokë derisa po tentonte të ruante inventarin e lokalit të tij.

“Aty ka ardhur turma. Unë jam munduar ta mbrojë inventarin. Një protestues e ka kapur karrigen dhe më ka goditur në kokë”, ka thënë për KTV-në pronari i një lokali në qendër të Prishtinës, të demoluar nga protestuesit.