Prokuroria Themelore në Ferizaj njofton se gjatë vitit 2024 ka ngritur 231 aktakuza për veprën penale “Dhuna në familje”.

Në njoftimin e Prokurorisë, thuhet se gjatë 2024-ës, kanë pranuar kallëzime penale kundër 275 personave për “Dhunë në familje”.

“Ndërsa, gjatë vitit 2024, nga kjo prokurori janë ngritur dyqind e tridhjetë e një (231) akte akuzuese për veprën penale të dhunës në familje dhe dyqind e katërmbëdhjetë (214) viktima kanë qenë të gjinisë femërore dhe gjashtëdhjetë e një (61) të gjinisë mashkullore”, thuhet në njoftim.

Po ashtu, bëhet e ditur se gjatë vitit 2024, janë parashtruar 56 kërkesa për caktimin e masës së paraburgimit në gjykatën kompetente.