Dje në rrethana ende të pa sqaruar dyshohet se i dha fund jetës në banesën e tij në Prishtinë, polici nga Peja, Alban Tolaj.

Lajmi.net mësoi nga burimet e veta se në momentin kur ndodhi ngjarja familjarët e të ndjerit ishin prezent.

Sipas informacioneve të para që ka pranuar redaksia jonë, thuhet se zyrtari policor tashmë i ndjerë dyshohet se kohëve të fundit ka pasur probleme shëndetësore dhe një operim në zemër.

Për vdekjen e ish-pjestari të Policisë së Kosovës për lajmi.net kanë folur edhe nga Prokuroria Themelore në Prishtinë, në një përgjigje për redaksinë tonë thanë se prokurori i shteti ka marr të gjitha masat dhe ka filluar hetimin mbi vdekjen e viktimës si dhe po shqyrtohen të gjitha rrethanat e kësaj ngjarje tragjike.

“Prokurori shtetit në koordinim me Policinë e Kosovës, ka nisur një hetim mbi vdekjen, dhe me kujdes të shtuar po shqyrtojnë të gjitha aspektet e rastit për shqyrtimin e plotë të rrethanave të kësaj ngjarje tragjike”, thuhet në përgjigjen e Prokurorisë Themelore në Prishtinë për lajmi.net.

Sipas njoftimit të familjarëve thuhet se varrimi i të ndjerit do të bëhet sot nga ora 16:30 me namazin e Ikendisë në Pejë.

Rastin për lajmi.net e konfirmoi dje edhe Policia e Kosovës, ku thanë se ka elemente që çojnë të një vetëvrasje por që hetimet janë duke vazhduar.

Ndërkaq, Policia bashkë me Forenzikën e kanë larguar trupin e pajetë të zyrtarit policor nga banesa e tij.

Ende nuk dihet për rrethanat e sakta të kësaj ngjarje, ndërkaq policia po vazhdon hetimet e thella për rastin./Lajmi.net/