Presidentja e Kosovës, Vjosa Osmani ka pritur sot në takim të Ngarkuarën me Punë të Ambasadës së SHBA-ve në Kosovë, Anu Prattipati.

Siç njoftohet në postimin në profilin zyrtar të Presidencës së Republikës së Kosovës në Facebook, në këtë takim u fol për zhvillimet e fundit në vend dhe pritshmëritë për bashkëpunimin bilateral ndërmjet Kosovës dhe SHBA-së gjatë vitit 2025, transmeton lajmi.net.

Vizita e të Ngarkuarës me Punë të Ambasadës së SHBA-ve në Kosovë, Anu Prattipati vjen pak para vizitës së Zëvendës Sekretarit të Shtetit Amerikan për Menaxhimin dhe Resurset, Richard R. Verma./Lajmi.net/