Presidenti i Interit, Steven Zhang ka folur për mediat pas kualifikimit të Interit në gjysmëfinale të Ligës së Kampionëve.

Tashmë ky kompeticion nuk është më një ëndërr për zikaltrit, të paktën kështu mendon presidenti i klubit nga qyteti i modës.

I pyetur nëse ëndërron për Ligën e Kampionëve, Zhangu është përgjigjur hapur.

“Tani nuk mund ta quajmë më një ëndërr”, tha ai për Mediaset, transmeton lajmi.net.

“Derbi ndaj Milanit në Ligën e Kampionëve është një hakmarrje për ne, për atë që ndodhi në të kaluarën dhe vitin e kaluar. Ka njëfarë emocioni në të luajtur këtë lojë”, ka thënë Steven Zhang.

Interi arriti në gjysmëfinale të ligës më prestigjioze evropiane për klube pas triumfoi 5:3 me rezultat të përgjithshëm ndaj Benficas.

“Nerazzurrët” më 6 maj e luajnë ndeshjen e parë gjysmëfinale kundër Milanit, ndërsa e dyta një javë më vonë./Lajmi.net/