Trajneri i Chelsea, Graham Potter ka komentuar formën aktuale të ekipit të tij.

‘Blutë’ e Londrës po kalojnë në një moment të vështirë këtë sezon.

Pas 24 xhirove ata nuk po arrijnë assesi të këndellen, duke mbetur në vendin e 10 në renditjen tabelare.

Nën Potterin, i cili u emërua në shtator pas shkarkimit të Thomas Tuchel, Chelsea ka fituar vetëm nëntë nga 26 ndeshjet e tyre.

Me humbje vazhduan edhe sot ndaj rivalëve lokal, Tottenham pasi u mposhtën 2:0.

Pas ndeshjes është trajneri që ka thënë që ai ka përgjegjësi për këtë formë që po kalon ekipi i tij.

“Unë marr përgjegjësinë e plotë për formën e dobët”, ishin fjalët e Potter.

Kujtojmë që ndeshje e radhës e Chelseat është ndaj Leeds United, më katër mars me fillim nga ora 16:00./Lajmi.net/