Dy raste të ndara të kontrabandës me mallra janë raportuar së fundi nga Policia e Kosovës.

Sipas informacioneve, policia ka arritur që të parandalojë këto raste.

Rasti i parë ishte në brezin kufitarë Kosovë-Shqipëri ku një mjet transportues kishte ngarkuar duhan.

Kurse rasti i dytë ishte në një subjekt afarist në Gjilan, ku janë hasur mallra të ndryshme si: Mjaltë, shampona, vajra-guri, krema e të tjera pa dokumente përkatëse.

Njoftimi i plotë:

Policia kufitare në dy raste të ndara parandalon kontrabandën me mallra

Prishtinë, më 19 shkurt 2025

Rasti i parë: Policia kufitare, në brezin kufitar Republika e Kosovës-Republika e Shqipërisë (zona e Hasit), kanë ndaluar mjetin transportues në të cilin kishte të ngarkuar duhan. Gjatë kontrollit është hasur janë sasi e duhanit të grirë 2398 kg dhe cigare të llojeve: Marloboro, 2036 pako, Dunhill, 330 pako, Davidoff, 570 pako, Parliamnet, 270 pako, Ëinston, 450 pako, Sobranie, 300 pako, Pall mal, 90 pako, Lucky strike, 660 pako dhe Bat, 90 pako.

Rasti i dytë: Zyrtarë nga Task-Forca (Policia & Dogana) në koordinim të aktiviteteve për parandalim të kontrabandës, kanë kontrolluar një subjekt afaristë në rajonin e Gjilanit. Aty janë hasur mallra të ndryshme si: mjaltë, shapona, Vajra-guri, krema etj. pa dokumente përkatëse që dyshohet se janë sjellë përmes rrugëve ilegale (kontrabandë).

Lidhur me rastin është njoftuar prokurori i cili ka dalë në vend-ngjarje. Dy persona lidhur me rastin janë ndaluar për 48 ore, ndërsa mallrat pa dokumentacione janë sekuestruar dhe dërguar në terminalin doganor.