Një aksion policor po zhvillohet nga Policia e Kosovës në bashkëpunim me EULEX-in.

Policia e Kosovës raportohet të ketë bastisur sot disa objekte, si postën serbe në Graçanicë, atë në Fushë-Kosovë, Lipjan dhe në vende të tjera në jug të Mitrovicës.

Policia në mëngjesin e së mërkurës, ka hyrë në Postën e Serbisë në Graçanicë e cila që nga paslufta funksionon aty.

Sipas raportimeve të para, pas bastisjes punëtorët janë larguar nga vendet e punës dhe zyrat postare janë mbyllur.

Nga Policia e Kosovës nuk ka pasur ende detaje në lidhje me këto bastisje, por siç thuhet ato janë duke vazhduar ende./Lajmi.net/