Një zyrtar policor është plagosur sot në Fushë Kosovë.

Në lidhje me gjendjen e tij shëndetësore ka folur për lajmi.net drejtori i Emergjencës, Naser Syla.

Ai ka thënë se gjendja e tij është stabile dhe janë kryer ekzaminimet e duhura,

“Po, është një polic i plagosur në Qendrën Emergjente, janë kryer ekzaminimet e duhura, janë në pritje të rezultateve, gjendja stabile”, ka thënë Syla për lajmi.net.

Lajmin për lajmi.net e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Sot rreth orës 13:00 policia ka marrë informatën për një plagosje me armë zjarri të ndodhur në rrugën “Fehmi Lladrovci” në Fushë Kosovë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen ku dyshohet se nga një person është plagosur me armë zjarri dhe i njëjti është dërguar për tretman mjekësor”, ka thënë Ahmeti.

Tutje ajo tha se hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit.

“Aktualisht hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit”, tha Ahmeti. /Lajmi.net/