Skuadra e Juventus ka luajtur baras 1:1 në ndeshjen kundër Veronas, duke bërë kështu një tjetër hap të gabuar drejt titullit të kampionit.

Pas ndeshjes, Andrea Pirlo ka treguar se cilat ishin vështirësitë më të mëdha për Juven.

“Kur luan kundër Veronas apo Atalantas është problem sepse ata luajnë në markim 1 për 1 në të gjithë fushën dhe krijojnë shumë duele. Tentuam të shmangim presingun e tyre të lartë dhe kjo funksionoi më mirë në pjesën e  dyt. Është e vështirë ndaj tyre”, ka thënë trajneri i Juventus, transmeton lajmi.net.

“Pjesa e parë nuk ishte mjaftueshëm agresive, pritëm për ta dhe përsëri krijuam shanse më të mira”, shtoi Pirlo.

Juventus ka barazuar këtë edicion me Crotone, Roma dhe Veronan, derisa ndeshja kundër Napoli i është dhënë me rezultat 3:0 në tavolinë. /Lajmi.net/