Tanimë është zyrtarizuar se Petrit Hajdari do të jetë kandidat i Partisë Demokratike të Kosovës në komunën e Drenasit.

Hajdari përpos besimit që iu dha për të kandiduar, përkrahje të madhe tanimë po merr nga çdo zyrtarë i Partisë Demokratike të Kosovës.

Deputetë e zyrtarë të shumtë të PDK-së, i kanë dhënë edhe sot mbështetje kandidatit për kryetar të Drenasit, Petrit Hajdari.

Ata vizituan sot kandidatin e PDK-së në Drenas, nga ku shprehën mbështetjen e tyre.

Hajdari falënderoi zyrtarët e PDK-së, derisa tha se i pari është qytetari i Drenasit, e programet politike janë veç shërbim ndaj tij.

“Bashkimi, unifikimi dhe shërbimi është ajo që i duhet Drenasit. Energjitë e PDK-së në Drenas janë të bashkuara rreth një projekti që synon t’i japë Drenasit pamjen dhe qeverisjen që meriton”, shkroi ai./Lajmi.net/