Në këtë festival të organizuar nga Shoqata e Kitaristëve të Panamasë, morën pjesë kitaristë nga vende te ndryshme si Shtetet e Bashkuara, Brazili, Kuba, Kostarika, Spanja, Polonia, dhe Panama.

Në fjalën hyrëse të saj, e Ngarkuara me Punë të Ambasadës së Kosovës në Panama, znj. Zana Rudi, ndër tjera tha se “kosovari Petrit Çeku, i cili ka filluar shkollimin dhe ka zhvilluar pasionin e tij për kitarën në qytetin e bukur të Prizrenit, me çdo vepër qe luan tregon një storie dhe sjell me vete një pjesë të Kosovës”.

Ashtu edhe siç u prit nga publiku panamez, i cili tashmë kishte dëgjuar për shkathtësitë profesionale të tij, Petrit Çeku me paraqitjen e tij, ka mahnitur audiencën e sallës së mbushur plot.

Përfaqësuesja e Shoqatës së Kitaristëve të Panamasë, znj. Ana Luisa Cal Olivares, prezentoi kitaristin e njohur Petrit Çeku dhe tekniken mbreselenese te tij si poezi. Ajo, gjithashtu, falënderoi të Ngarkuarën me Punë, Zana Rudi, dhe Sekretarin e Parë të Ambasadës, Lulzim Krasniqi, për përkrahjen dhënë Shoqatës në organizimin e këtij evenimenti.

Kitaristi Petrit Çeku është mirëpritur në Panama për të tretën herë me radhë. / Lajmi.net