Kur bëhet fjalë për Barcelonën, zakonisht jemi mësuar të dëgjojmë për yje si Lionel Messi, Neymar, Xavi, Andres Iniesta e shumë të tjerë.

Por, tifozët e gjigantit katalan nuk kanë arsye të brengosen sepse edhe në të ardhmen do të kenë një skuadër përplot me futbollistë të talentuar. Me përbërjen aktuale, skuadra e trajnerit të ri Luis Enrique pritet që sërish të luftojë për tituj të rëndësishëm.

Por, edhe e ardhmja është e garantuar. “Metro Sport” ka publikuar pesë emra të super talenteve të Barcelonës që do të shpërthejnë së shpejti dhe do të kërkojnë një vend në formacionin bazë.

Ata janë: Munir El Haddadi, Adama Traore, Sergi Samper, Alen Halilovic, Alejandro Grimaldo.