Autoritetet ukrainase njoftuan se Kernes u plagos të hënën në mëngjes, dhe se gjendja e tij shëndetësore është shumë kritike.

Të dielën pasdite në Kharkiv, qytet prej një milion e gjysmë banorëve, pati përleshje të mëdha mes rebelëve pro-rusë, të cilët kanë uzurpuar ndërtesat e bashkive të disa qyteteve në rajonin Dontesk, në lindje të Ukrainës, dhe ukrainasve që kundërshtojnë ndarjen e mëtutjeshme të vendit të tyre.  

Pas ndarjes së Krimesë dhe bashkimit të saj me Rusinë, situata në Ukrainë është përkeqësuar edhe më tepër, pasi Dontes, rajon ky i populluar 50 për qind me popullatë ruse, po përpiqet të refuzojë kontrollin e autoriteteve qendrore.

Rusia është akuzuar nga Perëndimi se po nxitë prorusët në Dontesk që të shpallin ndarjen e këtij rajoni ashtu sikurse bëri Krimea, por Moska zyrtare ka hedhur poshtë akuzat.

Presidenti rus, Vladimir Putin, e ka kërcënuar me luftë Ukrainën nëse trupat ukrainase “prekin” popullatën ruse në Dontesk.

Ndërkohë NATO ka filluar manovrat në vendet e saj anëtare përgjatë kufirit me Rusinë, për t’i dërguar mesazh Kremlinit se nuk do të lejojë cenimin e sigurisë së Evropës.