Një lokal është përfshirë nga zjarri në rrugën “Fehmi Agani” në kryeqytet.

Për fat të mirë si shkak i këtij zjarri nuk ka persona të lënduar.

Në lidhje me rastin, zëdhënësja e policisë për rajonin e Prishtinës, Flora Ahmeti deklaroi se nga zjarri u shkaktuan dëme materiale.

“Në vendngjarje kanë dalë zjarrfikësit dhe policia, të cilët janë duke u marrë me rastin”, tha Ahmeti.

Ahmeti bëri të ditur se zjarri është lokalizuar dhe për momentin nuk ka rrezik.

“Raportohet vetëm për dëme materiale”, ka përfunduar Ahmeti./Lajmi.net/