Rreth gjysmë ore më herët një veturë është përfshirë nga zjarri në autostradën “Ibrahim Rugova” drejtimi Duhël-Prishtinë.

Ngjarja është konfirmuar nga zëdhënësi i policisë, Bajram Krasniqi.

Ai njoftoi për lajmi.net se nga rasti nuk ka të lënduar, ndërkaq, momentalisht trafiku po zhvillohet vetëm në një shirit.

“Rreth orës 17:10, policia është njoftuar se në autostradë drejtimi Duhël-Prishtinë, një veturë është përfshirë nga zjarri. Nga ky rast nuk ka persona të lënduar. Njësitet policore, zjarrfikësit dhe kompania për mirëmbajtjen e autostradës kanë dalë në vendin e ngjarjes. Për momentin trafiku po zhvillohet vetëm në një shirit”, tha Krasniqi./Lajmi.net