Peci: Ministri i Brendshëm, ‘kurban’ për të arsyetuar dështimin e mundshëm në INTERPOL
Drejtori ekzekutiv i KIPRED-it, Lulzim Peci, ka reaguar pas shkarkimit të ministrit të Punëve të Brendshme, Bejtush Gashit, dhe zëvendësimit të tij, sipas të gjitha gjasave, nga Ekrem Mustafa.
Lajme
Në një postim në profilin e tij në “Facebook”, Peci ka shprehur habinë rreth shkarkimit të ministrit të Brendshëm në kohën kur, sipas tij, krejt forcat duhet të mobilizohen për anëtarësimin e Kosovës në INTERPOL.
Ish-ambasadori Lulzim Peci ka ngritur dyshime se mos Qeverisë nuk po i ecë puna mirë në përpjekjen për anëtarësim në INTERPOL dhe po i duhet një “kurban” për të arsyetuar dështimin e mundshëm.
Sipas Pecit, akti i shkarkimit të ministrit Gashi ka vetëm një emër: Mungesë totale e sensit të qeverisjes.
Ky është postimi i plotë i Lulzim Pecit:
“Po ku e gjetet me e be shkarkimin e Ministrit te Brendshem ne kohen kur krejte forcat duhet te mobilizohen per antaresimin e Kosoves ne INTERPOL? Apo ndoshta nuk po ju ece puna mire ne kete perpjekje dhe po ju duhet nje “kurban” per te arsyetuar deshtimin e mundshem?
Ky akt e ka vetem nje emer: Mungese totale e sensit te qeverisjes.”