Ministri i Bujqësisë, Faton Peci dikur mburrej për zbatimin e ligjit anti-duhan, duke u krekosur për shqiptimin e gjobave për pirje të duhanit në vende të mbyllura.

Por, me sa duket, tash as vetë ai nuk po e respekton këtë vendim – rrjedhimisht po bën shkelje të ligjit.

Gjatë fushatës në Vushtrri, Peci është fotografuar në një ambient të mbyllur, e ku afër tij një person po s’po e prishte tymin e duhanit, transmeton Klankosova.tv.

Sipas pamjeve të publikuara në rrjete sociale, duket se ministrit Peci nuk po i pengon më shkelja e këtij ligji.

Mirëpo, qytetarët e bizneset kanë paguar gjoba të majme pikërisht për një gjë të tillë.

Në një artikull të publikuar në një media lokale mbi veprimin e Pecit, qytetarët kanë komentuar për këtë situatë, duke e kritikuar ministrin lidhur me këtë veprim.

Madje njëri, si duket pronar lokali, tha se për një gjë të tillë është gjobitur në të kaluarën.