Ambasadori i Britanisë së Madhe në Kosovë, Jonathan Hargreaves ka vizituar Drenasin, derisa po votohet për të zgjedhur kryetarët e Komunave në vend,

Ai ka thënë se më shumë njerëz po dalin për të votuar pasdite, shkruan lajmi.net.

“Ndalesa jonë e radhës ishte në Drenas, të lumtur që më shumë njerëz po dilnin për të votuar në pasdite. Shpresoj që të gjithë kosovarët do ta përdorin të drejtën e tyre për të votuar dhe për të zgjedhur përfaqësuesit e tyre lokalë komunalë”, ka shkruar Hargreaves.

Ai sot gjatë këtij procesi zgjedhor ka vizituar edhe veriun e Kosovës, Mitrovicën e veriut dhe Zveçanin.

“Është e mrekullueshme t’i shohësh njerëzit duke marrë pjesë në këto zgjedhje shumë të rëndësishme për Kosovën, njerëz që e shprehin vullnetin se kush do t’i përfaqësojë ata për çështjet që i shqetësojnë më së shumti në jetën e përditshme”, kishte thënë ai. /Lajmi.net/