Angel Di Maria dhe Leandro Paredes janë rikthyer në terrenin stërvitor të Juventusit në Continassa pas fitores së tyre në Kupën e Botës me Argjentinën.

Dyshja ishin pjesë e skuadrës fitimtare të Lionel Scaloni në turneun në Katar dhe iu dha një pushim shtesë nga ‘Bianconerët’ pas suksesit të tyre. Lojtarë të tjerë argjentinas në Serie A, si Lautaro Martinez i Interit dhe Paulo Dybala i Romës, u rikthyen disa ditë më parë, duke ndezur disa polemika në Torino.

Siç theksohet nga Gianluca Di Marzio, Di Maria dhe Paredes tani janë rikthyer në qendrën stërvitore të Juventusit, duke rifilluar punën me Massimiliano Allegrin dhe shokët e tyre të skuadrës përpara gjysmës së dytë të sezonit.

Tifozët ishin të zhgënjyer që dyshja u panë në një festë në shtëpinë e Lionel Messit në ditët e fundit, duke çuar në sugjerime se fokusi i tyre ishte diku tjetër vetëm disa ditë larg rifillimit të Serie A.

Të dy lojtarët duket se do të largohen nga Torino në fund të sezonit, me Di Maria që largohet si agjent i lirë dhe Paredes që kthehet në Paris pas përfundimit të huazimit të tij./Lajmi.net/