Pas incidentit Lladrovci – Bazaj, Sami Lushtaku në Drenas
Për vizitën e Lushtakut në Drenas, kanë konfirmuar Zëdhënësi i PDK-së dega e kësaj komune, Betim Berisha, por ai ka mohuar se arsyeja e vizitës mund të ketë qenë kanosja e bërë nga vëllai i Naim Bazajt në drejtim të të parit të Drenasit Ramiz Lladrovcit.
Lajme
Disa ditë pas incidentit që ndodhi ndaj Kryetarit aktual të Drenasit, Ramiz Lladrovcit, Klan Kosova mëson se Kryetari aktual i Skenderajt Sami Lushtaku ka qenë sot për një vizitë në Drenas.
Për vizitën e Lushtakut në Drenas, kanë konfirmuar Zëdhënësi i PDK-së dega e kësaj komune, Betim Berisha, por ai ka mohuar se arsyeja e vizitës mund të ketë qenë kanosja e bërë nga vëllai i Naim Bazajt në drejtim të të parit të Drenasit Ramiz Lladrovcit.
Berisha për Klan Kosova tha se vizita e të parit të Skënderajt është bërë në kuadër të fushatës zgjedhore teksa potencoi se ditë më parë edhe Kreu i PDK-së Kadri Veseli ishte për vizitë në Drenas.
Ndërkaq Naim Bazaj po ashtu në prononcimin e tij të dhënë për Klanin, tha se refuzon çdo komunikim me të parin e Drenasit, madje ai tha se vizita e Lushtakut në këtë komunë u bë për të siguruar ndonjë votë:
”Unë nuk pranoj komunikim me ta. Sigurisht kanë ardhë për ndonjë votë, por edhe Qeverinë me e sjellë nuk mund të fitojnë më”, është shprehur Bazaj, transmeton Klan Kosova.
Ramiz Lladrovci u kanos pas përfundimit të një takimi me banorët e fshatit Tërstenik të Drenasit, mbrëmjen e së hënës.
Klan Kosova raportoi se i dyshuari për kanosje ndaj Kryetarit aktual të Drenasit, ishte Fitim Bazaj, vëllai i Kryesuesit të Kuvendit komunal të kësaj komune.