Komisioni Qendror i Zgjedhjeve po vazhdon përditësimin e të dhënave për vendvotimet e procesuara për Kuvendin Komunal në Prishtinë.

LDK është e para deri më tash, më pas PDK dhe e treta Vetëvendosje.

Pas partive të tjera, goxha larg është Alternativa e Mimoza Kusari – Lilës.

Kjo parti që kandidoi me Merkur Beqirin për kryetar komune, i cili ishte edhe bartës i listës – ka marrë 30 vota.

Shtatë kandidatë të këtij subjekti politik nuk kanë marrë asnjë votë, bazuar në numërimin e mbi 10% të votave.

Pesë të tjerë kanë marrë nga 1 votë, ndërda 6 kandidatë janë me nga dy vota.

Pas përditësimit të 100% të vendvotimeve, pritet të shihet a do të ketë ndryshime të mëdha.