Edukatorë e mësimdhënës janë “rehatuar” në shkollat e komunës së Gjilanit, por shumë prej tyre ishin familjarë të udhëheqësve të komunës.

Në konkursin e fundit  për mësimdhënës del se kryetari e ka punësuar kunatën, drejtori i Arsimit gjithashtu, zv/ministri i mbrojtjes një familjare të tij, asambleistja e LDK-së vajzën e axhës së saj. Si dhe asamblistja e Komunës një të afërm tjetër  janë vetëm disa që janë punësuar në shkollat e Gjilanit.

E njëra  prej tyre ishte dhe Anda Sejdiu e cila ishte e pranuar nga ky konkurs si mësimdhënëse  në SHFMU “Musa Zajmi” në Gjilan.

Ndërkaq sot Kryetari i kësaj komune Alban Hyseni njoftoi për anëtarsimin e kësaj të fundit në Lëvizjen Vetëvendosje, dega në Gjilan.

“Përveç pasionit të saj për profesionin, Anda tani ka vendosur që kontributin e saj ta zgjerojë përtej mësimdhënies. Qyteti ynë ka nevojë dhe pasurohet kur secili prej nesh, sikur Anda sot, angazhohet për të mirën publike,” shkroi Hyseni në Facebook./Lajmi.net/