Papa e krahason BE-në me diktaturën naziste – Shkaktarë “Krishtlindjet”

14:13 | 8 Dhjetor 2021

Papa Françesku e ka krahasuar BE-në me një ‘diktaturë naziste’ për përpjekjen për të vendosur rregulla mbi gjuhën dhe ndalimin e përdorimit të fjalës Krishtlindje.

Papa, 84 vjeç, paralajmëroi bllokun që të mos ‘marrë rrugën e kolonizimit ideologjik’ ndërsa kthehej nga Greqia pas një udhëtimi katër-ditor.

Javën e kaluar, BE u akuzua se u përpoq të ‘anulonte Krishtlindjet’ pasi i tha stafit të shmangte fjalën në favor të ‘periudhës së pushimeve’ sepse mund të ishte fyese për jo të krishterët.

Eurokratët e publikuan rregullin muaj më parë si pjesë e një udhëzuesi mbi ‘komunikimin gjithëpërfshirës’, detaje të të cilit u zbuluan duke çuar në një reagim të furishëm.

Sugjerime të tjera përfshinin zëvendësimin e emrave të krishterë si Mary dhe John me emra ‘ndërkombëtarë’ si Malika dhe Julio kur i përdornin në shembuj të përgjithshëm, dhe ndërrimin e fjalës ‘i krijuar nga njeriu’ me ‘të nxitur nga njeriu’.

Papa tha se diktatet gjuhësore, për të cilat Komisioneri Evropian për Barazi e pranoi se duhej qartësisht për më shumë pun’, janë ‘një sekularizëm i zbehur’.

Ai tha ndërsa ishte në bordin e aeroplanit papal në kthim në Vatikan:

“Është diçka që gjatë historisë nuk ka funksionuar. Në histori, shumë diktatura janë përpjekur t’i bëjnë këto gjëra. Po mendoj për Napoleonin, diktaturën naziste, atë komuniste.”

Ai shtoi se BE-ja është ‘e nevojshme’, por ajo duhet të shmangë nxitjen e ndarjeve midis shteteve të saj anëtare.

“Bashkimi Evropian… duhet të jetë i kujdesshëm që të mos marrë rrugën e kolonizimit ideologjik. Kjo mund të përfundojë duke ndarë vendet dhe duke shkaktuar dështimin e BE-së”, u shpreh Papa. /Lajmi.net/