Burra të zhveshur të shtrirë në dysheme dhe fëmijë të cilët duket se nuk mund të kontrollojnë dridhjet e trupit të tyre. Panik, britma dhe lutje në sfond.

Këto janë disa nga imazhet e vrazhda që administrata e Obamës u ka shfaqur një grupi të zgjedhur të senatorëve në dyer të mbyllura për të justifikuar një sulm të mundshëm të kufizuar ushtarak ndaj qeverisë siriane.

CNN i ka publikuar pamjet e 13 videove të ndryshme që janë parë nga Komisioni i Inteligjencës në Senat dhe që përshkruajnë skena të tmerrshme të sulmit kimik në periferi të Damaskut më 21 gusht.

Administrata u ka thënë senatorëve se autenticiteti i pamjeve është vërtetuar nga Komiteti i Inteligjencës.