Presidentja e Kosovës, Vjosa Osmani e ka mirëpritur vendimin e Malajzisë që qytetarët e Republikës së Kosovës mund të udhëtojnë tash e tutje pa vizë edhe në Malajzi, për një periudhë që nuk e tejkalon qëndrimin prej 30 ditësh.

Osmani përmes një postimi në platformës X ka shkruar se ky hap është i rëndësishëm.

“Ky hap i rëndësishëm, i kombinuar me hapjen e ardhshme të Ambasadës sonë në Kuala Lumpur gjatë vizitës sime javën e ardhshme, është një shenjë e qartë se lidhjet midis dy vendeve tona po forcohen çdo ditë e më shumë. I shpreh mirënjohjen time të sinqertë institucioneve të Malajzisë për këtë vendim kuptimplotë. Mezi pres të angazhohem me liderët shtetërorë javën e ardhshme ndërsa punojmë së bashku për të thelluar bashkëpunimin tonë dhe për të avancuar interesat e përbashkëta të popullit tonë”, ka shkruar Osmani.

Ahead of my official visit to Malaysia next week, I am deeply grateful to the Malaysian authorities for their decision to grant visa exemptions for all citizens of the Republic of Kosovo for stays of up to 30 days.

This important step, combined with the forthcoming opening of… pic.twitter.com/xnvHFeZ2JK

— Vjosa Osmani (@VjosaOsmaniPRKS) April 25, 2025

Kujtojmë, që sot ministria e Punëve të Jashtme të Kosovës ka njoftuar se qytetarë te Kosovës tash e tutje do të mund të udhëtojnë për në Malajzi pa viza.