Presidentja e vendit, Vjosa Osmani ka përkujtuar sot masakrën e Podujevës.

25-vjet më parë, forcat kriminale vranë në mënyrë mizore 14 anëtarë të familjeve Bogujevci e Duriqi, në mesin e të cilëve 7-fëmijë të moshës 2 deri 15 vjeç dhe 7 gra.

Ndër të tjera Osmani tha se liria dhe paqja kanë kuptim vetëm kur drejtësia të vihet në vend.

“Strategjia e regjimit gjenocidal të Serbisë kundrejt shqiptarëve pa dallim moshe ishte shfarosja dhe spastrimi etnik.

25-vjet më parë, forcat kriminale vranë në mënyrë mizore 14 anëtarë të familjeve Bogujevci e Duriqi, në mesin e të cilëve 7-fëmijë të moshës 2 deri 15 vjeç dhe 7 gra.

Saranda, Fatosi, Jehona, Liria dhe Genc Bogujevci janë dëshmitarë të aktit makabër, ndaj këto dëshmi janë në funksion të kujtesës dhe të sjelljes se autorëve para drejtësisë.

Liria dhe paqja kanë kuptim vetëm kur drejtësia të vihet në vend!

Qoftë i përhershëm kujtimi për martirët e familjeve Bogujevci dhe Duriqi!”- ka njoftuar Presidenca. /Lajmi.net/